Types of fucidine cream in pharmacy أنواع الفيوسدين كريم في الصيدلية

النهاردة هنكلم عن الfucidine وأخواته وايه الفرق ما بينهم
1_fucidine cream مادته الفعالة fucidic acid وبيستخدم في حالات دمامل الوجه والجسم وكمان حالات حب الشباب والجروح لإنه بيستخدم  كدهان موضعي بعد العمليات الجراحية
وكمان حالات الحروق لإنه بيوضع مع كريمات الحروق لتجنب حدوث عدوي الحروق
وكمان حالات الخياطة بعد عمليات الولادة للوقاية من البكتريا وحالات حبوب فروة الرأس خاصة في الاطفال
أهم حاجة في الكريم إنه سريع الامتصاص وكمان ميبسش لمعان لكن لا يستخدم بكثرة عشان ممكن يحصل منه مقاومة لأنواع من البكتريا

2_fucidine ointment
وده بيستخدم للحالات التي تحتاج لامتصاص طويل بس ناخد بالنا إنه مادته الدهنية بتسبب في التصاقه علي الجلد ولا يستخدم علي الوش ولا علي اليدين
3_fucicort cream
وده عبارة عن fucidine cream +betamethasone
وبيستخدم في حالات الاكزيما السطحية والقرصية والموضعية إللي بتبقي في أسفل الساق
وكمان الالتهابات الجلدية القشرية في شعر الرأس
لكن ناخد بالنا ميطلعش لواحدة حامل عشان الكورتزيون إللي فيه  وكمان ميتحطش علي الجلد لمدة طويلة عشان مينتجش عنه أثار جانبية
4_fucidineH
وده عبارة عن مضاد حيوي ومعاه مادة ال hydrocortisone
وبيستخدم لحالات الاكزيما والصدفية والذئبة الحمراء
ملحوظة مهمة جدا في آخر نوعين ناخد بالنا من الاثار الجانبية للكورتيزون زي ظهور شعر في بعض المناطق وظهور خطوط بيضاء بالجلد وحبوب حولاين الفم وجروح نتيجة كثرة الاستخدام  وكمان  ظهور شعيرات دموية
وبكده عرفنا أهمية الfucidine cream
#معلومة صيدلانية مفيدة
#دكتورة سلمي مصطفي